GREQI- Këto janë pamjet e para që janë kapur brenda banesës ku jetonte çifti Kastriot dhe Alba Cenko. Mediat greke kanë nxjerrë pamjet nga brenda banesës, ku duket çekiçi, me të cilin 39-vjeçari goditi të shoqen, 35 vjeç, në kokë duke i marrë jetën. Pas krimit, autori jo vetëm që nuk është dorëzuar, por për ditë me radhë ka luajtur teatër duke e mbajtur trupin e gruas në papafingo të shtëpisë. Më në fund dje ai u dorëzua dhe thirri autoritetet duke rrëfyer ngjarjen.
PAMJE NGA SHTËPIA:
Pas kryerjes së krimit, autori e ka fshehur trupin në dollapin e dhomës së gjumit për të mos rënë në sy të fëmijëve. Pasi ata kanë shkuar në shkollë, ai e ka mbështjellë trupin me qese të bardhë me flluska, e më pas e ka futur në qese të zeza. Kjo, në tentativë që të "mbyste" erën e kufomës./ZËRI
