ITALI- Tre shqiptarë janë arrestuar për trafik droge nga policia italiane në Trentino mbrëmjen e djeshme (1 prill), raporton Ansa.it. Gjatë kontroleve të bëra nga policia në një automjet tip “Audi” u gjetën 2 doza kokainë dhe një pistoletë.
Në bazë të kokainës dhe armës së gjetur, policia vendoi të kontrollojë edhe banesën e të riut shqiptar që drejtote automjetin. Me të mbërritur pranë derës së godinës ku banonte i riu, janë vënë re dy të rinj të tjerë, po ashtu shqiptarë, të cilët në pamjen e ushtarëve tentuan të fshehin një çantë.
Qesja përmbante afërsisht 8 kilogramë drogë, mes tyre kokainë dhe hashash. Në banesë u gjet edhe gjysmë kile kilogramë të fshehur në kavanozin me oriz. Në total u sekuestruan gati nëntë kilogramë drogë, përfshirë hashash dhe kokainë, të cilat do të shiteshin në luginat e Noces që të hënën e Pashkëve. /ZËRI
