DROPULL- Policia e Gjirokastrës vijon hetimet për vdekjen e çiftit të moshuar në Dropull, që sipas hetuesve është vrarë me sende të forta nga persina që kanë hyrë në banesën e tyre.
Policia ka në rrethin e të dyshuarve 3 persona për të cilët pritet përgjigjja e policisë shkencore që do të zbulojë nëse janë të implikuar.
Paralelisht po hetohet edhe për motivet pasi pista e grabitjes është rrëzuar. Kjo për shkak se shtëpia e të moshuarve është gjetur e rregullt, si dhe në banesë janë gjetur shumë parash, që çifti i përfitonte nga pensioni që merrnin në shtetin grek.
Gjithashtu është hedhur poshtë dhe versioni se çifti mund të ketë vrarë njëri tjetrin.
Çifti i të moshuarve Kosta Ilia 84 vjeç dhe Kleoniqi lIia 88 vjeçe u gjetën të pajetë dhe me shenja dhune në trup ditën e djeshme.
Policia ka shoqëruar 12 persona për ngjarjen, kryesisht banorë të fshatit, ndërkohë që çifti nuk ka pasur fëmijë.
E moshuara u gjet e pajetë në banesë, ndërsa 84 vjeçari u gjet i vdekur në oborrin e banesës së tyre./ZËRI
