Foto ilustruese
SARANDË- Një oficer i Policisë së Shtetit në Sarandë është nisur me helikopter drejt Tiranës. Mëngjesin e sotëm 63-vjeçari Klement Bello ka rënë në gropën e ashensorit të pallatit.
Për shkak të një defekti është hapur porta e ashensorit pa qenë në vend, e oficeri, duke mos e patur mendjen ka rënë nga lartësia prej 6 metrash. Si pasojë e rrëzimit, 63-vjeçari ka fraktura në kokë dhe dëmtim në mushkëri.
Ndaj është edhe transferuar me urgjencë drejt spitalit të Traumës në Tiranë. Deri më tani raportohet se gjendja e tij ishte e qëndrueshme dhe i dëmtuari ishte në gjendje të stabilizuar./ZËRI
Poll
