TIRANË- Në dosjen e siguruar nga ZËRI në ngarkim të ish-ministrit Ilir Beqaj dalin në dritë dhe emra të tjerë të përfshirë në skemën e pastrimit të parave. Kështu Bledar Leka, i cili rezulton me emrin tregtar "Citrus Consultancy" të krijuar më 27.01.2021 me ortak dhe administrator të vetëm Bledar Leka, i cili lëshon fatura fiktive për llogari të Ermal Kurtulajt. Në dosjen e Prokurorisë së Posaçme ndaj tij zbardhet një pjesë e bisedës që Leka dhe Kurtulaj kanë pasur me njëri-tjetrin. Fatura fiktive të lëshuara për shërbime të pakryera. Po ashtu në vijim të bisedës ata kanë patur biseda të tjera në datën 21.11.2023 dhe më pas në datën ku i kërkohet Bledarit të lëshojë një faturë tjetër.
Pjesë nga dosja:
Në datë 16.08.2023, ora 12.26, kundrejt Eusair Facility Point është lëshuar fatura nga "Bledar Leka" me përshkrimin 'konsulencë sipas kontratës' në shumën 20 mijë euro. Bledar Leka rezulton me emrin tregtar "citrus Consultancy" krijuar më 27.01.2021 me ortak dhe administrator të vetëm Bledar Leka.
Lëshimi i kësaj fature lidhet me bisedën e zhvilluar nëpërmjet shtetasit Ermal Kurtulaj dhe Bledar Leka. nga biseda Kurtulaj i kërkon Lekës "ta bëjë njëçik sot atë faturën". Kurtulaj i thotë në bisedë: Se do ta çoj NIPT-in, do të ta çoj me foto dhe te kontratat se ça përshkrimesh, si do e shkruajmë etj. duke krijuar kështu dyshimet mbi lëshim fature fiktive për punime/shërbime të pakryera.
Po kështu, në një tjetër bisedë, Ermal Kurtulaj e pyet këtë shtetas 'atë tëndën nga 15 po ta bëjmë 20 e bën dot ti apo jo? e pastaj hë se dum ta bëjm 20 që tkena mundësinë për me mbyll ca gjona tjera me atë mqs ti je pa TVsh apo jo? Po ashtu në vijim të bisedës ata kanë patur biseda ë tjera në datën 21.11.2023 dhe më pas në datën ku i kërkohet Bledarit të lëshojë një faturë tjetër. Nga analizimi që i është bërë komunikimeve të Ermal Kurtulaj me përfaqësuesit e dy subjekteve tregëtare në raport dhe me veprimet e kryereja prej tyre ngrihen dyshime të arsyeshme që faturat të lëshohen nga ana e këtyre subjkteve janë fiktive dhe pasi faturohen shërbime që nukjanë kryer prej tyre por që kanë përfituar shumat përkatëse në llogarinë e tyre.
Nisur nga përmbajtja e bisedës që kryhet me shtetasin Genci Shurdho krijohet dyshimi i arsyeshëm që për këto fatura llogaritet TVSh dhe përqindje e komision për subjektet tregtare, ndërsa shume tjetër përfitohet nga vetë Kurtulaj. Këto dyshime krijohen dhe nga mënyra esa lirshëm ndryshohet vlera e faturës nga 15 deri në 20 mijë euro dhe fakti që subjekti është pa TVSH, e në bisedën që realizohet me Elton Marinin i komunikohet përveç NIPT dhe të tjera dhe vlera që duhet të shkruajë 16.600 euro. Në mënyrë që shoqëria me ortak Elton marini të justifikojë shpenzimet e kryera apo aktivitetin e kryer siaps objektit të veprimtarrisë ndaj këtij subjekti lëshohet me pas faturë nga subjekti Niki Konstruksion. "Ke hapësirë për tbo i gjo nja 900 euro shërbim konsulence", pagese cash të cilën më pas e ka lëshuar naj subjekt tjetër.
