Arbër Axhami
BRITANI E MADHE- Një 19-vjeçar shqiptar është vendosur në pranga nga efektivët e Policisë britanike. I riu shqiptar, i identifikuar si Arbër Axhami, u kap duke qarkulluar me armë në makinë.
Oficerët ndaluan makinën tip "Mercedes CLK", të Axhamit afër qendrës së qytetit, ku 19-vjeçari pranoi se nuk kishte patentë shoferi ose siguracion për mjetin. Sipas mediave britanike, gjatë kontrollit të mjeti u gjetën armë zjarri dhe thika.
Axhami, pa vendbanim të caktuar, u deklarua fajtor për të gjitha pikat në Gjykatën e Magjistraturës së Doncasterit më 17 tetor. Të enjten, më 14 nëntor, ai u burgos për 14 muaj në Gjykatën e Kurorës së Sheffield./ZËRI
Poll
