TIRANE- Përfituesi i amnistisë penale që nisi të zbatohet sot është edhe ish-kryetari i bashkisë Lezhë, Fran Frrokaj.
Në një prononcim për mediat jashtë ambienteve të burgut të Reçit Frrokaj tha: “Shëndet edhe mbarësi për gjithë shqiptarët kudo që janë. Burgu është një eksperience që uroj mos ta provoj askush”.
Frrokaj u arrestua e më pas u dënua në tetor të vitit 2022 me 3 vite burg për shpërdorim detyre dhe tjetërsim pronash. Ish-zyrtari do të lirohet sot nga burgu i Reçit në Shkodër nga ku qëndron i izoluar që prej dënimit.
Frrokaj është gjithashtu dënuar për të mos ushtruar funksione publike për 5 vite.Ai dhe 15 ish-zyrtarë të tjerë të bashkisë së lezhës, u akuzuan se kishin bërë tjetërsimin e 234 mijë metrave tokë në bregdetin e Ranës së Hedhun në Shëngjin. Hetimet për tjetërsimin e pronave kanë nisur në vitin 2017-tës./ZËRI
