BULQIZË- Një 15-vjeçar ka mbetur i lënduar rëndë këtë të shtunë pasi duke biçikletën në vendin e quajtur “Pishat” në Bulqizë ka humbur kontrollin e saj dhe është rrëzuar. Ai u gjet nga kalimtarët i shtrirë në anë të rrugës dhe me plagë në trup.
Raportophet se pasi ka marrë ndihmën e parë në spitalin e Bulqizës, i mitiuri është dërguar menjëherë drejt spitalit të Traumës me helikoipter për shkak të gjendjes së rënduar. Ndërkohë Policia ka ngritur një grup hetimor për të hetuar shkaqet e aksidentit.
NJOFTIUMI I POLICISË:
Bulqizë/informacion paraprak. Në vendin e quajtur "Pishat", në fushë Bulqizë, një 15-vjeçar, dyshohet se duke lëvizur me biçikletë ka humbur kontrollin mbi drejtimin e saj dhe është rrëzuar në anë të rrugës e për pasojë ka pësuar lëndime trupore. 15-vjeçari, është dërguar në spitalin e Traumës, për ndihmë më të specializuar mjekësore. Grupi hetimor po punon për zbardhjen e plotë të rrethanave të këtij rasti.
