Pamje nga vendi i ngjarjes
GREQI- Një aksident i rëndë është regjistruar këtë të mërkurë në Rodos. Raportohet se dy persona kanë humbur jetën. Sipas mediave greke, një furgon që drejtohej nga një shqiptar në rrethana të paqarta ka devijuar nga kursi dhe është përplasur kokë më kokë me një makinë që drejtohej nga një 57-vjeçar grek.
Nga rrënojat e dy automjeteve, greku dhe një britanik u gjetën të vdekur, ndërsa shqiptari dhe një britanik u plagosën dhe u dërguan në Spitalin e Përgjithshëm të Rodos dhe po trajtohen në gjendje të rëndë. Nëntë zjarrfikës me katër automjete kanë tentuar të lirojnë personat në automjet, pasi trupat kishin mbetur brenda tyre./ZËRI
Poll
