SHKODËR- Një sasie eksplozivi ka shpërthyer në orët e para të mëngjesit në një banesë në lagjen “Tre Heronjtë” në Shkodër. Shpërthimi ka ndodhur në derën e banesës së Ardian Fierzës, fatmirësisht nuk ka asnjë të lënduar, por vetëm dëme materiale.
Policia po vijon punën për identifikimin dhe kapjen e autorëve.
"Në lagjen “Tre Heronjtë”, në derën e banesës së shtetasit A. F., në orët e para të mëngjesit nga persona ende të paidentifikuar është hedhur lëndë plasëse. Si pasojë ka vetëm dëme materiale. Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve", njofton policia.
-
Shpërthim me tritol në Shkodër, hidhet në erë agjensia funerale
29 Gusht, 08:08
Kjo është hera e dytë që ndaj Ardian Fierzës vendoset tritol. Herën e parë, atij i vendosën tritol në derën e agjencisë funerale që ndodhet pranë Spitalit të Shkodrës. Ngjarja ndodhi më 29 gusht dhe deri më tani nuk ka asnjë të arrestuar. Dyshimet asokohe ishin se ngjarja ndodhi për shkaqe konkurrence. Dy ditë pasi Fierzës i vendosën tritol në biznesin, Policia identifikoi si të dyshuarin Bernard Pllumbaj dhe e shpalli në kërkim. Sipas pamjeve të publikuara, 35-vjeçari i maskuar iu afrua agjencisë dhe vendosi tritol në derën e saj, dhe u largua i qetë nga vendngjarja. Dyshohet se Pllumbaj vendosi tritol në derën e Fierzës për shkak se ky i fundit nuk i ka shlyer një borxh. Por, 35-vjeçari nuk është një emër i panjohur për Policinë e Shkodrës, pasi një vitë më parë ai u arrestua për armëmbajtje pa leje. Fierza ka dëshmuar në polici se nuk ka konflikte me askënd. Policia ka nisur hetimet rreth zbardhjes së plotë të ngjarjes. /ZËRI
