TIRANË- Protesta para Kryeministrisë është tensionuar pas disa orësh qëndrimi në shesh ku të rinjtë kanë hedhur lëndë piroteknike në drejtim të efektivëve të policisë të pozicionuar pranë godinës së qeverisë.
View this post on Instagram
Tubimi i kësaj të mërkure nisi që në orët e paradites me pjesëmarrjen e studentëve, pedagogëve dhe qytetarëve që kërkojnë ndryshime politike dhe dorëheqjen e kryeministrit Edi Rama.
Përplasjet e fundit vijnë pas një periudhe relativisht të gjatë qetësie gjatë protestës. Më herët, disa prej pjesëmarrësve kishin ndezur zjarr në shesh duke përdorur karrige, në kushtet e motit të ftohtë dhe reshjeve të shiut.
Karriget ishin vendosur nga kryeministri Rama në kuadër të ftesës së tij për dialog me studentët, një ofertë që protestuesit kanë refuzuar, duke këmbëngulur në kërkesën për largimin e tij nga detyra./ZËRI
