KAVAJË- Një përplasje ka ndodhur në Kavajë! Sekretari i Përgjithshëm i Bashkisë së Kavajës, i cili është identifikuar si Arti Çiçolli, është dhunuar nga dy persona të tjerë. Burime për "ZËRI-n" ka bërë me dije se vëllai i drejtoreshës së pronave në Bashkinë e Kavajës dhe një person tjetër kanë dhunuar sekretarin e Bashkisë. I dhunuari, 52-vjeç, është paraqitur në Polici ku edhe ka bërë kallëzim për dy të lartpërmendurit.
Sipas 52-vjeçarit, dy personat e kanë dhunuar me grushta dhe me shkelma në ambientet e një subjekti privat në Kavajë. Po ashtu, sipas tij, dhuna që kanë ushtruar ndaj tij ka ndodhur për shkak të detyrës.
"E. S., 43 vjeç dhe T. S., 46 vjeç, të dy banues në Kavajë, pasi ka kallëzuar shtetasi A. Ç., 52 vjeç, punonjës i bashkisë Kavajë, se dje, në ambientet e një subjekti privat, këta dy shtetas e kanë goditur me grushte dhe me shkelma, për shkak të detyrës,"-njofton Policia lidhur me ngjarjen./ZËRI
