VLORË- Policia e Shtetit ka dhënë detajet e para lidhur me vrasjen që ka ndodhur mbrëmjen e sotme në Vlorë, ku u qëllua për vdekje 30-vjeçari Kristjan Marku. Sipas Policisë, i riu u qëllua brenda makinës së tij dhe ndërroi jetë në vend. Ndërkohë që në zonë kanë nisur kontrollet për kapjen e autorëve.
NJOFTIMI I POLICISË:
Vlorë/Informacion paraprak
Rreth orës 18:15, në afërsi të fshatit Novoselë, në autostradën Fier-Vlorë, dyshohet se është qëlluar me armë zjarri në drejtim të një automjeti tip “Volksëagen”, me drejtues shtetasin K. M., 30 vjeç, i cili ka humbur jetën. Në vendngjarje kanë shkuar shërbime të Policisë së DVP Vlorë dhe grupe të Forcës Kombëtare të Sigurisë Njësia Fier. Vijon krehja e zonës dhe kontrollet për kapjen e autorëve. Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve./ZËRI
