KORÇË- Në prag të nisjes së vitit të ri shkollor, Drejtori i Përgjithshëm i Policisë së Shtetit, Skënder Hita, ka zhvilluar sot një takim në DVP Korçë.
View this post on Instagram
Hita është pritur në Drejtorinë Vendore të Policisë nga drejtuesi Vilson Bala, ndërsa më pas ka zhvilluar një mbledhje me drejtuesit dhe shefat e strukturave të ndryshme.
Mësohet se një prej çështjeve kryesore të diskutimit ka qenë siguria në ambientet shkollore, në një kohë kur institucionet përgatiten për nisjen e procesit mësimor. Por, sipas burimeve, në fokus ka qenë edhe parandalimi i kriminalitetit dhe forcimi i rendit e sigurisë në qark.
Takimi, i cili zgjati rreth një orë, është pjesë e turit të takimeve që Hita po zhvillon në drejtoritë vendore të Policisë në qarqe, përpara nisjes së vitit të ri shkollor./ZËRI
