TIRANË- Operacionet kundër lojërave të fatit vijojnë në të gjitha qytetet e vendit, me fokus goditjen e veprimtarive të paligjshme të kësaj natyre.
Gjatë kontrolleve të ushtruara në Tiranë, është zbuluar një tjetër rast i përshtatjes së një lokali për zhvillimin e kundërligjshëm të lojërave të fatit, ku përdoreshin makina dhe tavolina pokeri.
Gjatë ndërhyrjes, janë sekuestruar 4 makineta për lojëra fati, një tavolinë për lojën “Poker”, si dhe sende të tjera që shërbenin për këtë veprimtari të paligjshme.
Ndërkohë, administratori i lokalit, shtetasi me iniciale Fabion Karkanaqe 38-vjeç, është arrestuar nga policia.
Njoftimi i Policisë:
Tiranë/Vijon operacioni i koduar “Fati i Lojërave”.
Zbulohet një tjetër rast i përshtatjes së lokalit për zhvillimin e kundërligjshëm të lojërave të fatit, me makineta dhe tavolina pokeri.
Sekuestrohen 4 makineta për lojëra fati, tavolina për lojën “Poker”, si dhe sende të tjera që shërbenin për këtë veprimtari të paligjshme.
Arrestohen administratori i lokalit.
Sektori për Hetimin e Krimeve Ekonomiko-Financiare, bazuar në informacionet e siguruara për një rast të përshtatjes së lokalit për zhvillimin e lojërave të fatit, kanë organizuar punën në kuadër të operacionit të koduar “Fati i Lojërave”.
Si rezultat i të cilit u arrestua në flagrancë shtetasi F. K., 38 vjeç, banues në Tiranë.
Në rrugën “Kajo Karafili” në lokalin në administrim të 38-vjeçarit, u gjetën 4 makineta që përdoreshin për lojëra fati, tavolina pokeri dhe sende të tjera që dyshohet se shërbenin për organizimin e lojërave të fatit.
Kontrollet kundër kësaj veprimtarie të paligjshme vijojnë në subjekte dhe ambiente të ndryshme.
Materialet procedurale iu referuan Prokurorisë, për veprime të mëtejshme.
