SARANDË- Kreu i Shoqatës së Operatorëve Turistik, Arben Çipa është dhunuar ditën e djeshme nga dy persona, xhaxha dhe nip. Policia njofton se për këtë ngjarje është arrestuar Dioment Musa, ndërsa është shpallur në kërkim nipi i tij. Mësohet se sherri ka qenë për shkak të një linje elektrike që Çipa po ndërtonën në Zonën e Heremecit.
52-vjeçari shprehet se projekti për ndërtimin e linjës elektrike është miratuar nga Operatori i Shpërndarjes së Energjisë Elektrike dhe është planifikuar të ndërtohet në një biznes tijin në Hermec.
Policia bën me dije se ata kanë dhunuar me grushta, shkelma dhe sende të forta 52-vjeçarin, duke i shkaktuar dëmtime të rënda.
“Plagosën rëndë një 52-vjeçar në Sarandë, lokalizohet dhe arrestohet njëri nga autorët, vijon kërkimi për tjetrin.
Falë veprimeve të shpejta të Specialistëve për Hetimin e Krimeve në Komisariatin e Policisë Sarandë, u lokalizua në një banesë në fshatin Lukovë, ku po fshihej, dhe u arrestua shtetasi 37 vjeç, me precedent kriminal në krimet ndaj personit. Ndërkohë, vijon kërkimi për kapjen e shtetasit 29 vjeç.
Dy autorët, xhaxha dhe nip, dyshohen se më datë 21.02.2025, rreth orës 16:10, në vendin e quajtur “Rruga për në Heremec”, në lagjen nr. 3, Sarandë, për motive të dobëta, kanë goditur me grushte, shkelma dhe sende të forta shtetasin 52 vjeç, duke i shkaktuar dëmtime të rënda.
Shërbimet e Policisë po vijojnë punën për kapjen e 29-vjeçarit të shpallur në kërkim si bashkëautor.
Materialet u referuan Prokurorisë për veprën penale “Plagosje e rëndë me dashje” e kryer në bashkëpunim”, njofton Policia./ZËRI
