KSAMIL- Inspektorati i Mbrojtjes së Territorit në Sarandë ka shembur lokalin “Unico Lounge” në Ksamil, pasi ishte ndërtuar pa leje. Objekti ishte në administratimin e vëllezërve Sulejmani, të cilët punojnë si efektivë të Policisë së Sarandës. Vëllezërit Sulejmani u përfshinë në një konflikt të armatosur në fshatin Gjashtë disa ditë më parëm ku dhunuan dy vëllzeërit Enea Nexhipi dhe Albion Nexhipi. Deri më tani, nuk ka detaje nëse objekti ishte në pronësi apo i marrë në qera nga vëllezërit.
Autoritetet nuk kanë dhënë një deklaratë zyrtare për planet e mëtejshme apo për kriteret që po ndiqen në këtë aksion.
Sherri ndodhi rreth orës 01:30, të datës 2 janar 2025, në fshatin Gjashtë, Sarandë, pranë një restoranti. Punonjësi i policisë Alvaro Sulejmani ka shkuar bashkë me armën e shërbimit pranë biznesit që drejtonin dy vëllezërit Enea Nexhipi dhe Albion Nexhipi. Bëhet fjalë për një biznes makinash me qira.
Sulejmani u kishte një borxh lidhur me një makinë që u kishte marrë dhe shkoi te shtëpia e vëllezërve Nexhipi pas mesnate së bashku me 10 persona të tjerë, duke i dhunuar ata me sende të forta. Gjithashtu, nga çfarë raportohet, ka pasur edhe të shtëna me armë zjarri, por asnjë të plagosur. Dy vëllezërit Albion dhe Enea Nexhipi u dëmtuan me sende të forta por fatmirësisht pa pasoja për jetën. Gjykata e Sarandës ka lënë masën e sigurisë “arrest me burg” për dy efektivët e Policisë së Shtetit, Alvaro Sulejmani, efektiv në Komisariatin e Policisë Himarë dhe Ilkid Sulejmani, efektiv i Policisë Kufitare Sarandë. /ZËRI
