TIRANË-Autoriteti Kombëtar i Ushqimit ka vijuar kontrollet pas bllokimit të 2.4 ton produkteve në tregun Agro-Ushqimor. Ditën e sotme AKU ka bllokuar disa qindra kilogramë produkte bulmeti në një baxho në Fier.
Sipas AKU-së, gjatë kontrollit trupa inspektuese konstatoi se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk implementonte sistemin e vetëkontrollit (HACCP), si dhe tregtonte produkte pa etiketë. Për këto shkelje, u vendos masa e bllokimit për një sasi produktesh të pasigurta, konkretisht:
1400 (një mijë e katërqind) kg krem gjalpi;
2415 (dy mijë e katërqind e pesëmbëdhjetë) kg moxarella;
90 (nëntëdhjetë) kg gjalpë i freskët lope;
100 (njëqind) kg gjizë;
18 (tetëmbëdhjetë) kg moxarella (kova).
Po ashtu, për shkeljet e konstatuara, ndaj subjektit është vendosur gjobë në vlerën e 250.000 mijë lekëve, ndërsa produktet e pasigurta janë bllokuar për t’u asgjësuar.
Njoftimi i AKU-së
Autoriteti Kombëtar i Ushqimit (AKU) në vijim të transparencës dhe informimit të publikut dhe në zbatim të legjislacionit në fuqi, bën me dije se në kuadër të kontrolleve të ushtruara, Drejtoria e Përgjithshme e AKU-së, përmes Sektorit të Monitorimit dhe Hetimit Ushqimor, referuar indicios së ardhur, ka kryer kontroll zyrtar në një subjekt me aktivitet “Baxho/Përpunim qumështi” në qarkun e Fierit.
Gjatë kontrollit zyrtar, trupa inspektuese konstatoi se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk implementonte sistemin e vetëkontrollit (HACCP), si dhe tregtonte produkte pa etiketë. Për këto shkelje, u vendos masa e bllokimit për një sasi produktesh të pasigurta, konkretisht:
1400 (një mijë e katërqind) kg krem gjalpi;
2415 (dy mijë e katërqind e pesëmbëdhjetë) kg moxarella;
90 (nëntëdhjetë) kg gjalpë i freskët lope;
100 (njëqind) kg gjizë;
18 (tetëmbëdhjetë) kg moxarella (kova).
Informojmë se për shkeljet e konstatuara, ndaj subjektit është marrë masa administrative “Gjobë” në vlerën e 250.000 (dyqind e pesëdhjetë mijë) lekë, ndërsa produktet e pasigurta janë bllokuar me destinacion asgjësimin e tyre.
