MOLDAVI- Vizita e Presidentit të Austrisë, Alexander Van der Bellen në Moldavi është shoqëruar me një incident të pandodhur më parë në nivelet e liderve të shteteve. Presidenti austriak u kafshua në dorë nga qeni i homologes së tij moldave, Maya Sandu.
Dy liderët po bënin një shëtitje në kopshtin e rezidencës presidenciale në Kishinau, kur presidenti austriak tentoi të përkëdhelte qenin e presidentes moldave, i cili mbahej nga një person i sigurisë. Kondruch, siç është emri i qenit të presidentit moldav, reagoi dhe kafshoi dorën e Van der Bellen.
Presidentja e Moldavisë Maya Sandu i kërkoi falje homologut të saj austriak për incidentin fatkeq, duke pasur parasysh se qeni ishte frikësuar nga prania e të huajve. Në një takim të mëvonshëm me kryetarin e parlamentit, Alexander Van der Bellen u shfaq me një fashë në dorën e dëmtuar, që tregon se kafshimi nuk ishte dhe aq i vogël.
The dog of the President of the Republic of Moldova Maia Sandu bit the hand of the Austrian President Alexander Van der Bellen, who arrived in Chisinau today for a visit. pic.twitter.com/kxkMMs12jT
— Maria (@MariaMagd7) November 16, 2023
