ITALI- Media italiane "La Repubblica" shkruan se kryeministri Edi Rama ka telefonuar drejtorin e RAI, Paolo Corsini një ditë pas publikimit të dokumentarit në programin "Report" në Rai3 që trajtoi marrëveshjen Shqipëri-Itali për emigrantët. Media italiane nuk jep asnjë detaj se çfarë mund të jetë diskutuar mes Corsinit dhe kryeministrit shqiptar, por reagimin e Ramës për reportazhin ku Shqipëria përshkruhej si një vend i kapur nga mafia, e konsideron të tërbuar. Dokumentari rrëfente se garanti i marrëveshjes për emigrantët mes Shqipërisë dhe Italisë është Sekretari i Përgjithshëm i Kryeministrisë, Ëngjëll Agaçi. Agaçi përshkruhej si avokat i disa trafikantëve të drogës në Itali, ndërsa përmendet edhe një episod korruptiv lidhur me Fabrizio Lisin, ish-shef në Guardia di Finanzia, të cilit trafikanti shqiptar Artur Shehu i dhuroi 30 hektarë tokë buzë detit, përmes ndërmjetësimit të Agaçit. Vetë Agaçi ka paralajmëruar padi.
