KIEV - Një vogëlushe 6-vjeçare ukrainase, që ka humbur këmbën gjatë sulmeve ruse në luftë, ka nisur të ngasë biçikletën me protezë, që iu përshtat më së miri.
Marinya shihet se me krenari dhe shumë vetëbesim e nget biçikletën. Ajo e humbi njërën këmbë, pas një sulmi me raketa të rusëve në Kherson, gjatë majit të vitit 2022, raporton Daily Mail.
Ngasja e biçikletës nga vajza e vogël është parë edhe nga fizioterapisti nga Instituti për Rehabilimit në Kiev, i cili shihet se përjeton momentin me emocione tepër pozitive.
Nëna e Marinyas, Natalia tha se vogëlushja i është nënshtruar disa operacioneve, që këmba e saj të jetë sërish funksionale.
Instituti për Rehabilitimin në Kiev është hapur pikërisht për trajtimin e personave që kanë marrë dëmtime gjatë agresionit rus./Zëri.ai/
