FRANCË- Futbollisti farancez i Francios Xavier Fumu Tamuzo ka ngritur një padi kundër kompanisë farmaceutike BioNTech-Pfizer. Ai ka thënë në gjykatë se trupi i tij nuk funksionon më si dikur ndaj edhe i është dashur të tërhiqet nga futbolli, shkruajnë mediat e huaja. Sipas vaksinat kundër Covid-19 janë përgjegjëse për efektet anësore që e detyruan të mbyllte karrierën në moshën 29-vjeçare. Ai shprehet se ka dhimbje në të gjithë trupin.
“Do të doja të kuptoja pse trupi im ka pushuar së funksionuari normalisht, nuk mund të eci më gjatë, vrapimi është bërë i pamundur për mua. Kam dhimbje edhe vetëm duke u ngjitur ose duke zbritur shkallët”,-u shpreh futbollisti.
Padia e ngritur nga Tamuzo evidenton edhe një herë efektet anësore të mundshme të shkaktuara nga vaksinimi kundër Covid. Seanca do të zhvillohet më 2 korrik në Paris. Tamuso dhe avokati i tij kanë paditur edhe Federatën Franceze të Futbollit. Avokati i lojtarit pretendon se shoqata është përgjegjëse për ndërprerjen e hershme të karrierës nga Tamuso.
Tamuzo nuk është futbollisti i vetëm që ka këto dyshime. Një ngjarje që shqetësoi së fundmi Italinë, me vdekjen e 26-vjeçarit Matia Giani pas një sëmundjeje në fushë gjatë një ndeshjeje. Megjithatë, hetimet duket se fokusohen mbi të gjitha në vonesën e ndihmës së shpejtë./ZËRI
