TIRANË- Luiz Ejlli dhe Kiara Tito festojnë sot përvjetorin e tyre të njohjes. Dyshja u njohën në formatin "Big Brother VIP 2" fiks një vit më parë, ndaj edhe Luizi ka vendosur që t’i bëjë një surprizë Kiarës, duke bërë portretin e saj tatuazh.
"Vendosa të bëj diçka, me rastin e një vjetorit që kam me Kiarën, pavarësisht se unë këtë ditë e kam si kujtim të dhimbshëm. Babai im ka ndërruar jetë. Zoti me një dorë merr me një dorë jep. Më dha familjen, më dha Kiarën, po vjen edhe vajza me ndihmën e zotit. Vendosa të bëj ketë ‘tattoo’. Gëzuar festat të gjithëve,"-thotë Luizi në video.
Mirëpo tatuazhi ka shkaktuar shumë reagime tek komentuesit, të cilët nuk i kanë kursyer kritikat. Sipas tyre, personazhi i tatuazhuar nuk i ngjan Kiarës, por është më shumë si një portret i këngëtares shqiptare në Zvicër, Loredana Zefit.
Gjithashtu ka edhe të tjerë që e krahasojnë me Lori Hoxhën, Efi Dhedhes, këngëtaren Kida, etj.
Pas komenteve Luizi ka reaguar me një foto në InstaStory ku tregon në njërën anë foton e Kiarës dhe në tjetrën tatuazhin.
Mesa duket, ai vetë e sheh si një krijim të mirërealizuar./ZËRI
