ZVICËR-Ka nisur Finalja e Madhe e ‘Eurovision Song Contest 2025’ që po zhvillohet sonte në Bazel të Zvicrës. Ashtu siç e do tradita, finalja nisi me paradën e madhe të 26 artistëve me flamujt e vendeve të tyre, të cilët do të garojnë këtë mbrëmje. Në këtë mbrëmje do të interpretohen 26 këngë dhe pas 4 orësh muzikë, performancash, argëtimi dhe emocionesh, do të mësohet edhe fituesi i Festivalit të Këngës në Eurovision 2025.
VOTIMI
Procedura e votimit, sipas faqes zyrtare të Festivalit të Këngës në Eurovision 2025, do të ndjek të njëjtën procedurë si dy vitet e fundit.
Çdo vend pjesëmarrës do të ketë dy grupe pikësh me nga 1, 2, 3, 4, 5, 6, 7, 8, 10 dhe 12 pikë për të dhënë. Një grup për jurinë e secilit vend dhe një grup për televotimin e secilit vend. Votat online të vendeve që nuk marrin pjesë në Festival, do të kenë të njëjtën peshë si vendet pjesëmarrëse.
Secili prej 37 vendeve pjesëmarrëse në Eurovisionin e këtij viti do të mund të votojë.
Çdo vend ka një juri kombëtare e cila jep një grup pikësh me 1, 2, 3, 4, 5, 6, 7, 8, 10 dhe 12 pikë.
Çdo vend do të ketë televotim, i cili gjithashtu rezulton në një grup prej 1, 2, 3, 4, 5, 6, 7, 8, 10 dhe 12 pikësh.
Votimi online nga vendet që nuk marrin pjesë në Festivalin e Këngës në Eurovision 2025 ka të njëjtën peshë si një vend pjesëmarrës: 1, 2, 3, 4, 5, 6, 7, 8, 10 dhe 12 pikë.
Së pari, pikët e jurisë do të prezantohen individualisht nga një zëdhënës për secilin vend.
Së dyti, pikët nga televotimi do të grumbullohen dhe do të jepen të kombinuara.
Juritë kombëtare votuan dje në mbrëmje (e premte, 16 maj) gjatë provës së dytë gjenerale.
Nëse dy vende kanë të njëjtat pikë, një rezultat i kombinuar kombëtar i televotimit dhe jurisë do të llogaritet vetëm për qëllimin e zgjidhjes së situatave të barazimit. Më e mira nga të dyja është kënga që ka marrë pikë nga numri më i madh i vendeve nga llogaritja e kombinuar kombëtare e televotimit dhe jurisë.
Shqipëria do të perfomojë e fundit në radhë, pra do ta përmbyllë garën e Eurovisionit me performancën numër 26./ZËRI
