SHBA- Aktorja e “Emily in Paris”, Ashley Park zbuloi së fundmi se për pak sa nuk vdiq nga një infeksion që infektoi organet e saj. 32-vjeçarja me anë të një postimi në Insagram ka treguar frikën e përjetuar pas një problemi shëndetësor, i cili filloi me bajamet gjatë kohës qe ishte me pushime në Tajlandë për Vitin e Ri.
Ashley Park e cila luan Mindy Chen në serialin e Netflix, tha se ajo është ende duke u rikuperuar por që rreziku ka kaluar. Aktorja foli për vështirësitë e saj të fundit për 2.8 milionë ndjekësit e saj në Instagram teksa ka publikuar disa foto nga shtrati i saj në spital.
"Ndërkohë që gjendem e shtrirë këtu duke marrë veten nga javët e para të vitit 2024, e vetmja fjalë që më vjen në mendje është mirënjohja. Ndërsa isha me pushime në dhjetor të Vitit të Ri, fillova të kisha dhimbje në fyt, e cila u shndërrua në goditje kritike septike, e cila infektoi dhe preku disa nga organet e mia. Jam mirënjohëse për stafin mjekësor që shëndeti im është përmirësuar pavarësisht asaj që na kishin thënë fillimisht,"-shkruan Park.
View this post on Instagram
Ndër të tjera aktorja vlerësoi të dashurin Paul Forman, i cili ka qendruar pranë gjatë gjithë kohës dhe falenderoi gjithashtu çdo mjek dhe infermiere të kujdesit intensiv që punuan pa u lodhur./ZËRI
