SHBA- Është thënë shumë se si Jennifer Aniston arrin të duket e re në moshën 55-vjeçare. Gjatë gjithë këtyre viteve ajo vetë mohon të ketë bërë operacione kirurgjikale. Por a është kështu? Aktorja ''ndezi'' thashethemet pasi u fotografua në një klinikë që merret me kirurgji plastike me shoqen e saj, Sandra Bullock në Connecticut të mërkurën. Qendra është e specializuar në botoksin e fytyrës dhe rinoplastikën, megjithëse ofron gjithashtu dhe injeksione të tjera.
Aktorja 55-vjeçare ka pranuar në të kaluarën se ka bërë botox, por në fund nuk ishte diçka që i shkonte dhe për këtë arsye më pas zgjodhi injeksione peptide. Ndonëse për dekada e mohonte të bënte rinoplastikë, në vitin 2007 ajo i tha People se kishte bërë rinoplastikë sepse kishte një diafragmë dhe për të mos ndryshuar formën e hundës.
Sekrete të tjera që ajo ka për t'u dukur e re dhe për të mbajtur linjat e saj janë se si ajo stërvitet fort në baza ditore ndërsa agjëron me ndërprerje duke ndjekur modelin 16:8. Sidoqoftë, Aniston dhe Bullock u panë në The Retreat At Split Rock që ndodhet në Greenwich, Connecticut.
Retreat specializohet në trajtimet e fytyrës, të cilat kushtojnë midis 50,000 dhe 100,000 dollarë, ndërsa trajtimet e vetullave dhe syve variojnë nga rreth 30,000 dollarë. Dy aktoret u panë duke dalë nga zyra e Dr Neil A Gordon, i cili kryen operacione plastike dhe rindërtuese të fytyrës.
Specialiteti i tij është "përtëritja e fytyrës dhe rinoplastika", sipas faqes së internetit të klinikës. Një botox i plotë mund të kushtojë rreth 3,000 dollarë, ndërsa Kybella është më i shtrenjtë në 6,000 dollarë.
Në vitin 2015, Aniston kishte thënë se nuk është adhuruese e injeksioneve.
“Njerëzit mendojnë se unë bëj shumë injeksione botox, por nuk e bëj. Nuk them që nuk e kam provuar, por e shoh se është një rrugë e rrëshqitshme. E gjithë kjo më duket qesharake”, kishte thënë aktorja./ZËRI
