Në kuadër të projektit SEEDS – Strengthening Entrepreneurship Economic Development Sustainably in South Adriatic Area, financuar nga Programi Interreg IPA South Adriatic, ku Lead Partner është Ministria e Turizmit, Kulturës dhe Sportit, ndërsa partnerë janë Puglia Culture, Teatri Kombëtar i Shqipërisë, Federata e Punëdhënësve të Malit të Zi dhe Bashkia e Agnone, do të zhvillohet më 23–24 shtator 2026, në Tiranë, “SEEDS International Convention”.
Aktiviteti synon të forcojë bashkëpunimin ndërmjet institucioneve, organizatave dhe profesionistëve të sektorit kulturor dhe krijues në rajon, duke nxitur shkëmbimin e përvojave dhe krijimin e partneriteteve të reja.
Një nga objektivat kryesore të Konventës është krijimi dhe formalizimi i rrjetit rajonal “Network of Balkan Theatres”, si dhe nënshkrimi i “SEEDS Cross-Border System for Artistic Distribution & Production Agreement”, për të mbështetur bashkëpunimin ndërkufitar në fushën e prodhimit dhe shpërndarjes artistike.
Programi dyditor do të përfshijë prezantimin e projektit dhe partnerëve, Partner Pitching Sessions, takime B2B, sesione World Café, networking dhe matchmaking.
Krahas partnerëve të projektit dhe përfaqësuesve të Joint Secretariat të Programit Interreg IPA South Adriatic, në Konventë do të marrin pjesë stakeholder nga institucione dhe organizata kulturore të rajonit, ndër të tjera: Skèné, Principio Attivo Teatro, Factory Centro di Produzione Teatrale, Istria National Theatre – City Theatre Pula, Associazione Mittelfest, Bottega degli Apocrifi, Equilibrio Dinamico Repertoire Dance, Teatro Koreja, Foyer 94, Terra Magica Arte e Cultura, Slovenian Chamber Music Theater, Teatri Kombëtar i Kosovës, Teatri di Bari, Teatro Italo Argentino, Compagnia Stabile del Molise, EM Live, Secretariat for Culture, Social and Other Affairs, Art Gallery “Vitomir Srbljanović”, European Capital of Culture 2030 dhe Danilovgrad Cultural Center, me përfaqësim nga Italia, Kroacia, Sllovenia, Kosova dhe Mali i Zi.
Hapja zyrtare e SEEDS International Convention do të zhvillohet më 23 shtator 2026, ora 11:30, në Qendrën “Sotir Kolea”, Biblioteka Kombëtare e Shqipërisë, Tiranë, me praninë e përfaqësuesve institucionalë, partnerëve të projektit dhe medias.
Ftohen institucionet, organizatat, profesionistët dhe stakeholder-at e sektorit kulturor dhe krijues të bëhen pjesë e aktivitetit dhe të kontribuojnë në krijimin e një rrjeti të qëndrueshëm bashkëpunimi rajonal.
Përmes këtij aktiviteti, projekti SEEDS synon të nxisë mobilitetin artistik, bashkëprodhimin dhe krijimin e mundësive të reja për sektorët kulturorë dhe krijues në rajon.
