SHBA- Komediani dhe aktori Russell Brand akuzohet për përdhunim, sulme seksuale dhe abuzim emocional. Të gjitha pretendohet se kanë ndodhur gjatë një periudhe shtatëvjeçare, kur aktori ishte në kulmin e famës së tij. Sipas BBC, 4 gra pretendojnë se kanë përjetuar sulme seksuale nga aktori midis viteve 2006 dhe 2013. Nga ana tjetër, Brand i ka mohuar akuzat dhe tha se marrëdhëniet e tij kanë qenë "gjithmonë konsensuale".
Në kohën e sulmeve të supozuara, Brand ishte prezantues për BBC Radio 2, Channel 4 dhe aktor në filma. Pretendime të tjera të bëra si pjesë e hetimit përfshijnë pretendime për sjellje kontrolluese, abuzive të Brand.
Të premten, Russell Brand publikoi një video në të cilën ai mohoi "akuzat e rënda kriminale" që ai tha se po bëheshin kundër tij. Por, ai nuk përmendi emrin e kompanisë televizive apo gazetës në videon e tij.
Ai e filloi karrierën e tij si komedian stand-up në fillim të viteve 2000, por mori famë disa vite më vonë si drejtues i Big Brother's Big Mouth në E4. Pas famës, Brand luajti në filma të Hollivudit si "Forgetting Sarah Marshall", "Get Him To The Greek" dhe "Arthur".
