SHQIPËRI- FIFA, organi më i lartë i futbollit në botë, ka publikuar renditjen më të fundit të Kombëtareve. Në renditjen e publikuar më 26 tetor 2023, Shqipëria dhe Kosova duket se janë ngjitur edhe më lart në klasifikim. Shqipëria, e cila kryeson grupin e saj në kualifikueset e Euro 2024 është vendosur në vendin e 59-të në renditjen e përgjithshme.
Më herët, kuqezinjtë ishin në vendin e 62. Ndërsa në renditjen e UEFA-s, Shqipëria mban vendin e 29-të.
Fitoret kanë sjellë ndryshime edhe për Kombëtaren e kosovës. "Dardanët" kanë shkuar nga vendi i 111 në atë të 105, ndërsa në renditjen e UEFA-s, listohen në vendin e 43-të.
Në bazë të renditjes së FIFA-s, Argjentina qëndron përsëri në krye të saj. Ata ndiqen nga Franca, Brazili, Anglia dhe Belgjika. Pritësit e Euro 2024, Gjermania, kanë zbritur edhe më tej në renditje, duke qenë tashmë në vendin e 16 në Botë, renditje që shuan shpresat për një fitore të Kupës së Europës në "shtëpinë" e tyre.
Nga të gjitha Kombëtaret, San Mrino vijon të jetë më e dobëta, duke ruajtur pa asnjë ndryshim vendin e 207-të./Zëri.ai
