FRANCË- Ministri i Arsimit në Francë ka vizituar një shkollë, ku disa nxënës refuzuan të shikonin një pikturë të grave nudo në klasë, duke shkaktuar një largim të një mësuesi nga puna. Nxënësit gjithashtu akuzuan mësuesin e tyre për deklarata raciste dhe islamofobike, të cilat shkolla i mohon.
Mësuesit në shkollën Jacques-Cartier pranë Parisit refuzuan të japin një përgjigje për ngjarjen. Një kryetar sindikatash tha se kujtonte vrasjen brutale të Samuel Patit, i cili u vra pasi shfaqi karikaturat e profetit Muhamed në një klasë.
Autoritetet franceze besojnë se thashethemet e pavërteta të përhapura në klasë kontribuan në nxitjen e një refugjati çeçen të radikalizuar 18-vjeçar, që vrau mësuesin pranë shkollës në periferi të Parisit. Javën e kaluar, gjashtë adoleshentë u dënuan për rolin e tyre në vrasje.
‘Sherri’ i tanishëm filloi kur një mësues tregoi Dianën dhe Actaeon, një pikturë e epokës së Rilindjes të shekullit të 17-të, që portretizon një skenë mitike nga Metamorfozat e poetit romak, Ovidi. ‘Disa nxënës të shkollës së mesme të vitit të parë thanë se ishin ofenduar nga puna e piktorit italian Giuseppe Cesari’, tha Sophie Venetitay, nga sindikata e mësuesve Snes-FSU për AFP.
"Disa studentë shmangën shikimin e tyre, u ndjenë të ofenduar, thanë se ishin të tronditur", tha zonja Venetitay, duke shtuar se disa nxënës gjithashtu pretenduan se mësuesi bëri komente raciste gjatë një diskutimi në klasë. Të nesërmen, sipas raportimeve franceze, një prind i shkroi drejtorit, duke pretenduar se djali i tij ishte penguar të shprehej në një diskutim të mëvonshëm në klasë.
Tensionet me sa duket kanë qenë të larta në shkollë që nga fillimi i semestrit në shtator. Stafi ndjeu se ata kishin mbetur pa mbështetje dhe po punonin në një klimë të degraduar. Ministri i Arsimit Gabriel Attal tha se nxënësit pas ankesave do të përballeshin me masa disiplinore dhe një ekip do të vizitonte shkollën, për t'u siguruar që ajo u përmbahet vlerave të republikës. Të martën, mësimi në shkollë rifilloi pas një ndërprerje disaditore./ZËRI/
