PRISHTINË- Në media u raportua se ish-banori i BBV 3, Meriton Mjekiqi u përfshi në një aksident mbrëmjen e djeshme teksa po kthehej në Kosovë dhe se ishte në një gjendje të rëndë.
Ndryshe nga sa raportuan fillimisht mediat në Kosovë, duket se gjendja e Meritonit është e mirë, ndërkohë që familja ka kërkuar që ngjarja të mos merrte përmasa kaq të mëdha mediatike. Vetë Meritoni, fillimisht ka bërë privat profilin e tij në Instagram, dhe deri tani nuk ka dhënë asnjë reagim për aksidentin, edhe pse shqetësimi i fansave dhe ndjekësve të tij ka qenë i madh.Gjithashtu, gazetari Milaim Zeka ka postuar një video në rrjetet e tij sociale, i cili tha se ai ishte në një makinë me Mjekiqin dhe se ai është në gjendje të mirë shëndetësore.
“Për ju që jeni shqetësuar shumë për aksidentin e Meriton Mjekiqit, unë dhe Meritoni kemi qenë në një makinë, Meritoni është me shëndet të mirë dhe unë po ashtu siç po më shihni”, tha Zeka.
/ZËRI