TIRANË- Sot është edicioni i 8-të i Maratonës së Tiranës dhe Luiza Gega ka vendosur një rekord kombëtar në këtë garë. Në fund të garës, ajo tha se kjo ishte një sfidë e vështirë për të, pasi kohët e fundit ishte sëmurë.
“Kam nisur me frikë, sepse nuk e dija se sa do të arrija të mbaja. Kur vijnë kilometrat e fundit, trupi pëson një shok. Të vraposh në Tiranë është një kënaqësi më vete. Njerëzit që të urojnë rrugës dhe bëjnë tifo për ty, të japin një forcë që ti nuk mendon se e ke. Kam njerëz që më mbështesin në atë që bëj. Kjo maratonë është ndryshe nga çdo garë që bëj”, tha Gega.
Maratona e Tiranës nisi në orën 09:00 dhe do të zgjasë deri në 16:00. Pjesmarrës nga 50 vende të botës kanë ardhur në Shqipëri për të marrë pjesë në këtë garë. /ZËRI
