PARIS- Eurosport ka hequr një komentator të notit olimpik nga mbulimi i tij në Paris për një koment "të papërshtatshëm" për gratë. The Guardian shkruan se ai kishte bërë komente seksiste për garueset e notit nga Australia.
Gazetari britanik Bob Ballard tha gjatë komentimit drejtpërdrejt, pasi Australia fitoi medaljen e artë në 4×100 metra stil i lirë: “Epo, gratë e përfunduan. Ju e dini se si janë gratë… sorollaten, vënë grim”.
Bashkëkomentatorja e tij, Lizzie Simmonds, e cila garoi për Britaninë në Lojërat Olimpike ‘Londra 2012’, i reagoi atij gjatë transmetimit, duke i përshkruar komentet e tij si “fyese”.
Ballard ende nuk ka komentuar publikisht për komentin e tij. Australia fitoi një medalje të artë të katërt radhazi në këtë garë me një kohë prej 3 minutash 28.92 sekonda, me McKeon që fitoi medaljen e gjashtë të artë për t'u bërë olimpisti më i dekoruar i vendit.
Eurosporti ka të drejtat kryesore për transmetimin e Lojërave Olimpike në Evropë dhe ka marrëveshje licencimi me rrjetet publike kombëtare. Ballard është komentator i veteran i Olimpiadave për BBC-në, e cila ka marrëveshje për të transmetuar një numër të kufizuar ngjarjesh olimpike./ZËRI
