ITALI- Fundjava që kaluan “të ndarë”, ka rikthyer në Itali zërat për një divorc mes Chiara Ferragni dhe Fedez. Influencuesja e kaloi fundjavën në mal me disa miq të saj, ndërsa bashkëshorti i saj mbetet në Milano.
Të gjitha të dokumentuara në rrjetet sociale, ku Chiara u dha mundësinë fansave të shihnin se si po kalonte, por mbajti një rezervë, atë të kufizimit të komenteve. Në Instagram, Ferragni-n e shohim në një kabinë në mal, në një “vend të veçantë”, ku ajo po argëtohet.
View this post on Instagram
Nga ana tjetër, Fedez, sërish përmes Instagramit ka folur për darkën e tij me qenin e familjes, Paloma, në shtëpinë e Donatella Versace në Milano. Duke treguar me qejf se Paloma “hëngri pjatën” e stilistes së famshëm, duke i shkaktuar atij një siklet të rëndë. Reperi, ndryshe nga bashkëshortja e tij, nuk i ka kufizuar komentet. Dhe kështu njerëzit e mediave sociale shfrytëzuan profilin e tij për të vazhduar komentet për Pandoro-gate (dhe më gjerë).
View this post on Instagram
Pavarësisht zemërimit social që vazhdon të bjerë mbi Ferragnez, fundjava e “ndara” e Chiara dhe Federico ka rindezur zërat se dyshja janë në krizë, gjë që u mohua ditë më parë nga përfaqësuesit e Chiaras.
