TIRANË- Gjysmëfinalja e “Ferma VIP” u zhvillua mbrëmë në një mënyrë krejt të pazakontë, pa dy moderatorët! As Fjoralba Ponari edhe as aktori Bes Kallaku nuk mundën që të ishin pjesë e një prej netëve më të rëndësishme të spektaklit. Kështu që moderimin e mori si "detyrë" opinionistja Sonila Meço.
Por çfarë ndodhi që edhe Ponari dhe Kallaku munguan?
Në postimet e treguara më pas, duket se Fjoralba kishte pësuar një problem shëndetësor në minutat e fundit dhe kishte përfunduar në spital, madje dhe postoi një foto me vigon në krah. Por nuk zbuloi më tej detaje të tjera lidhur me atë që i kishte ndodhur.
"Si duhej të kishte shkuar & si shkoi?! Falenderuese pafund për çdo mesazh të ngrohtë, në këto momente!,"-shkruan ajo në rrjetet e saj sociale.
Nga ana tjetër, Besi që ndodhej jashtë Shqipërisë, u përball me një shtyrje fluturimi prej 5 orësh, çka e bëri të pamundur mbërritjen e tij në kohë për spektaklin. Megjithatë, të dy kanë premtuar se do të rikthehen për natën finale, ku edhe do të përcaktohet fituesi./ZËRI
