SHBA- Bazuar në një rekord prej 600,000 votash nga udhëtarët nga 168 vende në mbarë botën, organizata e destinacioneve më të mira evropiane (EBD) ka zbuluar listën e saj e tregjeve më të bukura të Krishtlindjeve për t'u vizituar 2023-2024. Më shumë se kurrë, udhëtarët duket se tërhiqen nga destinacionet e reja të Krishtlindjeve dhe kanë zgjedhur Bazilikën në Budapest si të preferuarën e tyre. Megjithatë këtë vit, pjesë e listës është bërë edhe Shqipëria.
Kjo është hera e parë që Tregu i Krishtlindjeve i Sarandës në Shqipëri shfaqet në renditjen më të mirë të tregjeve të Krishtlindjeve në Evropë.
"Saranda është një qytet modern, i ri, dinamik dhe një destinacion perfekt gjatë gjithë vitit për pushime me diell apo edhe në dimër. Tregu i Krishtlindjeve i Sarandës e shndërron shëtitoren e qytetit në një vend të çudirave dimërore nga data 6 dhjetor deri më 2 janar. Me dekorime vezulluese, një pemë të bukur Krishtlindjesh, shesh patinazhi, karusel, kasolle druri dhe skena për muzikë dhe evente, ofron një atmosferë festive dhe të veçantë. Vizitorët mund të shijojnë kuzhinën lokale, produktet rajonale së bashku me një program të pasur koncertesh, shfaqjesh dhe një paradë të Santës dhe elfave të tij,"-shkruan 'Forbes'.
LISTA E PLOTË
20 vendet më të bukura për Krishtlindje
1. Budapest, sheshi i Bazilikës
2. Kraiova, Rumani
3. Metz, Francë
4. Poznań, Poloni
5. Montbeliard, Francë
6. Riga, Letoni
7. Govone & Asti, Itali
8. Birmingham, Angli
9. Madeira, Portugali
10. Valkenburg, Holandë
11. Bruksel, Belgjikë
12. Trier, Gjermani
13. Edinburg, Skoci
14. Vjenë, Austri
15. Sarandë, Shqipëri
16. Londër, Angli
17. Dresden, Gjermani
18. Pragë, Republika Çeke
19. Bruges, Belgjikë
20. Mançester, Angli
Saranda ka marrë një total prej 20 mijë votash, duke dëshmuar edhe njëherë që nuk frekuentohet vetëm gjatë verës për plazhet e saj të kristalta./ZËRI
