SHBA- Ylli amerikan Jason Derulo është akuzuar për ngacmim seksual nga një kolege e tij, konkretisht Emaza Gibson. Ajo ka hapur një çështje gjyqësore ndaj tij. Sipas Gibson, ajo kishte nënshkruar një kontratë me kompaninë diskografike të Derulos, por ajo u ndërpre pasi këngëtarja nuk kishte pranuar të kishte marrëdhënie seksuale me të.
Gibson tha për NBC News se ajo ka mbetur e "traumatizuar" nga përvoja. Derulo i ka mohuar pretendimet, duke i quajtur ato "plotësisht të rreme".
Emaza Gibson, paraqiti ankesën e saj kundër Derulos, të enjten në Gjykatën e Lartë të Los Anxhelosit, duke thënë se ai i premtoi "me qëllim" suksesin e saj dhe më pas ia mohoi mundësinë. Ajo pretendon ngacmime seksuale, shkelje të kontratës dhe frikësim dhe dhunë, mes ankesave të tjera.
“Kam ankth, jam e traumatizuar, jam përballur me situata pune çnjerëzore. Jam në këtë pikë ku jam kthyer në zero dhe nuk kam asgjë”, tha ajo.
Në dokumentet e gjykatës, Gibson thotë se Derulo i ofroi asaj një kontratë me labelin e tij Future History në gusht 2021, dhe ata filluan të punojnë së bashku atë nëntor. Megjithatë, ajo pretendon se këngëtari vazhdimisht i ka bërë presion që të shoqërohej me të dhe se ka pasur "kërkesa eksplicite për seks në këmbim të suksesit".
Në një rast, ai dyshohet se Derulo i ka kërkuar 25-vjeçares të merrte pjesë në një ritual seksual të quajtur "lëkurë dhie dhe luspa peshku", që përfshinte sakrifikimin e një dhie dhe marrjen e kokainës. Gibson pohon gjithashtu se asaj i ishin dhënë "sasi të mëdha alkooli në mënyrë të papërshtatshme".
Avokati i saj, Ron Zambrano, tha në një deklaratë se "sjellja e Derulos ndaj artistes së re ishte e neveritshme".
Në një deklaratë të postuar në llogarinë e tij në Instagram , Derulo tha:
"Unë qëndroj kundër të gjitha formave të ngacmimit dhe mbetem i përkushtuar për të mbështetur njerëzit që ndjekin ëndrrat e tyre. Jam thellësisht i ofenduar nga këto akuza./Zëri.ai
