SHBA - Elon Musk i është kundërpërgjigjur një raporti ‘bombë’ të Wall Street Journal, që thoshte se ai pi drogë. CEO i Tesla tha se asnjë sasi e gjurmëve të drogës nuk janë gjetur në trupin e tij gjatë tre viteve të testimit të rastësishëm të kryer nga NASA, pasi ai tymosi marijuanën e famshme në podcast-in e Joe Rogan.
“Pas pirjes së famshme me Rogan, unë rashë dakord, me kërkesë të NASA-s, të bëja 3 vjet testime të rastësishme të drogës”, shkroi Musk në një postim në X. “Nuk u gjetën as sasi gjurmë të ndonjë droge apo alkooli”, shton ai. Themeluesi i SpaceX e kritikoi raportin e WSJ. Kur u kontaktua nga Business Insider, një zëdhënës i Journal tha: "Ne i qëndrojmë raportimit tonë”.
Figura të larta në të gjithë kompanitë e Musk kanë ngritur shqetësime për përdorimin e drogës nga ana e miliarderit, i cili thuhet se pi kokainë, LSD, ekstazi dhe ketaminë, sipas WSJ. Një drejtor i bordit të Teslas thuhet se ishte shumë i alarmuar në lidhje me këtë fakt. WSJ gjithashtu raportoi se drejtuesit e SpaceX kishin frikë se Musk mund të kishte qenë nën ndikimin e drogës gjatë një takimi të stafit të SpaceX. Musk në mënyrë publike dyshohet se ka pirë marijuanë në podkastin e Joe Rogan në vitin 2018 dhe thuhet se u ka thënë njerëzve se ka marrë doza të vogla ketamine për depresion.
Paraqitja e tij në shfaqjen e Joe Rogan bëri që NASA, e cila është partnere me SpaceX, të nisë një hetim për përdorimin e drogës në kompani, rezultatet e të cilit nuk dihen. Musk ka thënë më parë se atij, ashtu edhe punonjësve të SpaceX, iu kërkua të bënin teste të rastësishme të drogës për një vit pas incidentit të Roganit, pasi kompanive që bëjnë biznes me qeverinë federale u kërkohet të kenë një mjedis pune, ku nuk konsumohet lëndë narkotike.
“SpaceX ishte një kontraktor i NASA-s dhe ata besojnë shumë në ligj”, i tha Musk biografit të tij Walter Isaacson. "Kështu që më duhej t'i nënshtrohesha testeve të rastësishme të drogës për disa vjet. Për fat të mirë, nuk më pëlqen vërtet të pi drogë ilegale”, shtoi ai.
SpaceX dhe Tesla nuk iu përgjigjën menjëherë një kërkese për koment nga Businnes Insider, të bërë jashtë orarit normal të punës./ZËRI/
