SHBA- "Burrat?! Ndihesha si pre. Edhe burrat që ishin ulur me gratë e tyre , thyenin qafën për t'ju ngulur sytë duke ecur në rrugë,"-kjo është përshtypja e Eva Kovaç pas udhëtimit të saj në Shqipëri. E reja amerikane, vetëm 19 vjeçe, tregoi për përvojën e saj të vizitës në Shqipëri, ku u shpreh se nuk ishte ndjerë e sigurtë.
Eva ka 154,000 ndjekës në Instagram, me emrin @outdoor.eve, ku edhe dokumenton aventurat e saj nëpër 7 vendet që vizitoi gjatë kësaj vere. Italia ishte vendi që i pëlqeu më shumë.
"Vendi im i preferuar në Evropë është bregdeti i Amalfit në Itali! Aty kam gjetur mikpritje të shkëlqyer."
Megjithatë, ishte një histori tjetër në detin Jon në Greqi.
Eva thotë: Në Greqi, hoteli im ishte i infektuar me çimka. Një makth. E zgjidha problemin, u largova të nesërmen në mëngjes.
Eva, e cila ka vizituar 11 vende dhe aktualisht ndodhet në Tromso, në Rrethin Arktik. Pas përfundimit të udhëtimit të saj në Norvegji, Eva do kthehet në Itali për të vazhduar rrugëtimin në Europë për një tjetër muaj. Më pas, ajo do të udhëtojë e vetme nëpër Azi./ZËRI
