ANGLI-SPANJË - Edhe disa ditë na ndajnë nga ndeshja që Shqipëria do të luajë me Çekinë, në kualifikueset për Euro 2024. Ndërsa ndeshja e Kombëtares është afër, duket se edhe lojtarët shqiptarë janë në formë tepër të mirë.
Armando Broja realizoi gol në ndeshjen e Chelsea kundër Fulham. Broja shënoi shumë pranë zonës së rreptësisë të kundërshtarëve, pasi kaloi mbrojtësit e Fulhamit.
Edhe Keidi Bare shkëlqen me Espanjol
Jo vetëm Armando Broja na nderon në arenën ndërkombëtare, por shumë futbollistë kuqezinj. Keidi Bare ishte ndër ata lojtarë, që u bë protagonist në përballjen që Espanjol ka pasur me Racing Ferrol.
Mesfushori kuq e zi dha asist për golin e parë, që u shënua nga Braithuaite. Espanjol fitoi 3:0, ndërsa paraqitje e Bares ishte shumë e mirë. Lojtari i Kombëtares Shqiptare luajti për gati 60 minuta, teksa u zëvendësua nga trajneri, sepse u ndëshkua me karton të verdhë.
Bare ka luajtur shtatë ndeshje këtë sezon, prej të cilave, 5 i ka nisur që në fillim të sfidës. Silvinjo me shumë mundësi do ta ketë në grumbullimet për ndeshjet e radhës të Kombëtares Shqiptare. Ekipi i Bares është në vend të dytë të La Liga 2, pretendente për të shkuar sërish në La Liga./Zëri.ai/
