TIRANË- Shkrimtari i njohur Edmond Tupja ka qenë i ftuar në “Mos i bjer me top”, ku me shumë sportivitet i është përgjigjur dhe pyetjeve ngacmuese të Ronaldo Sharkës, mbi raportin mbi bashkëshorten e tij.
I pyetur nëse ka tradhtuar ndonjëherë, Tupja shprehet se i ka shkuar mendja, por nuk ka tradhtuar, e një nga këto arsye është autizmi i djalit të tij, që e pengon atë të mendojë për një raport të ri.
Nëse do shihnit gruan tuaj duke tradhtuar, si do vepronit?
Edmond Tupja: Së pari përgjigjja më komformiste është do thosha gruaja ime nuk më tradhton kurrë. Por le të supozojmë, do i thosha më fal, fajin e kam unë.
Ju mendoni se kur gruaja tradhton, fajin e ka burri?
Edmond Tupja: Ose burri gruan. Ka një gjë, nuk mund të jetë tradhti. Tradhti ka, e le gruan me tre fëmijë dhe shkon me sekretaren.
Po ti ke tradhtuar ndonjëherë?
Edmond Tupja: Shiko nuk e kam tradhtuar. Kjo është pyetje shumë intime, nuk e di, më ka shkuar nëpër mend si “ahh sikur”, por nuk shkoj deri atje sepse arsyeja është autizmi i tim biri që nuk më lejon mua të krijoj një lidhje tjetër.
