TIRANË- Për herë të parë aktorja e njohur, Rudina Dembacaj ka pranuar akuzat për falsifikim dokumentesh. Kohë më parë ajo u akuzua nga ish-bashkëshorti i saj se kishte falsifikuar një autorizim për të marrë vajzën e saj në një udhëtim jashtë Shqipërisë pa dijeninë e tij. Në emisionin “Goca dhe Gra”, teksa po diskutohej për lajmet rreth dënimit të Luiz Ejllit me 1 vit burg për falsifikim Rudina Dembacaj nuk i shpëtoi përfshirjes në temë, duke rikujtuar një episod nga e kaluara e saj.
Gjatë diskutimit, ajo pranoi gabimin dhe tregoi se tashmë e ka vuajtur dënimin.
"Koka bën, koka pëson," u shpreh Dembacaj. Ajo sqaroi se veprimi i saj ishte i nxituar dhe se nuk ishte trguar profesioniste në atë moment. Dembacaj shtoi se dënimin e ka vuajtur përmes punës me shërbim prove, dhe tani ndjehet e lirë nga çdo peshë ligjore.
Pjesë nga diskutimi:
Heidi: Rudina, se jam shumë kurioze, ti ke pasur probleme me drejtësinë?
Rudina: O Heidi se pastaj do më thonë… Koka bën, koka pëson. Nuk është se jam shumë e madhe në moshë, jam e re fare…ne e kemi pësuar nganjë veprim i nxituar. Rasti im më ka bërë të reflektoj, nuk isha profesioniste, por me jemi nxituar dhe e kemi ngrënë domethënë. Kam vuajtur dënimin dhe nuk do e përsërisja kurrë, u nxitova në një moment, si nënë kisha dëshirë të merrja fëmijën. E vuajta dënimin si zonjë.
Heidi:Si punove?
Rudina: Punë me shërbim prove
Egla: Pra, ti je një ish-e dënuar?
Rudina: Kur del me shërbim prove, nuk quhesh më e dënuar. Tashmë jam e pastër!
-
Dënohet me burg Rudina Dembacaj
8 Dhjetor, 12:00 -
Aktorja Rudina Dembacaj u dënua nga Gjykata e Apelit me 6 muaj burg, që iu konvertua në 80 orë shërbim prove. ZËRI në atë kohë zbuloi se dënimi iu konvertuar pasi Gjykata, për shkak të rrezikshmërisë së ulët dhe dënimit nën 1 vit burg. Dembacaj u dënua pasi u kallëzua penalisht nga ish-bashkëshorti i saj Aleksandër Varfaj.
