TIRANË-Komisioni Qendror i Zgjedhjeve në bashkëpunim me Prezencën e OSBE-së në Tiranë organizojnë Konkursin “Fuqizimi i të Rinjve në Procesin Zgjedhor 2025”. Do të jenë të rinjtë ata që përmes një konkursi do të zgjedhin edhe sloganin e KQZ-së për këto zgjedhje. Komisioni është duke kërkuar edhe një influencues në rrjetet sociale që do të jetë imazhi i kësaj fushate, pas testit me aktorin Nik Xhelilaj zgjedhjet e shkuara.
Në aktivitet do të prezantohen kriteret që do të përdoren për vlerësimin e materialeve të cilat do të dorëzohen nga të pjesëmarrësit në konkurs, me fokus te origjinaliteti, ndikimi i mesazhit, kreativiteti, dhe efektiviteti në përfshirjen e të rinjve.
Ndërkohë përmes një shorti në KLGJ, u zgjodhën 8 anëtarët rinj të Kolegjit Zgjedhor, të cilët do tu vënë vulën përfundimtare konflikteve mes palëve në procesin zgjedhor.
Anëtarët e Kolegjit Zgjedhor
1- Ornela Naqellari,
2- Alma Kodraliu
3- Iliba Bezati
4- Entela Shedula
5- Enkel Peza
6- Rexhep Bekteshi
7- Artan Çupi
8- Lutfie Celami
Kjo trupë gjyqësore ngrihet dhe funksionon në bazë të neneve të posaçme të Kodit Zgjedhor, ku parashikohet që është shkalla e fundit e ankimimit nga partitë apo kandidatët kundër vendimmarrjeve të a Komisionit Qendror të Zgjedhore.
