TIRANË-Kryeministri Edi Rama ishte i pranishëm në aktivitetin e javës Franko-Shqiptare për Inteligjencën Artificiale. Rama tha se në fund të vitit të ardhshëm do të jetë gati modeli i prokurimeve publike me Inteligjencë Artificiale, ku sipas tij për këtë janë duke punuar me Microsoft dhe sipas tij ky do të jetë modeli i parë në Evropë.
Kreu i qeverisë theksoi se ky projekt i AI do ndihmojë jashtëzakonisht institucionet shqiptare me platformën e teknologjisë së avancuar për të përshtatur dhe adoptuar ligjet e BE-së në sistemin administrativ shqiptar, por edhe zhvillimin teknologjik të zyrave, ku shërbimet merren digjitale pa kontakte njerëzore.
Edi Rama: Po punojmë me Microsoft për të përgatitur prokurimin me IA 360 gradë që do jetë modeli i parë në Evropë i prokurimeve pa kontaktin njerëzor në 95% të procesit. Shpresojmë që deri në fund të vitit tjetër të jetë gati për të funksionuar. Pastaj asnjë vend mesdhetar i BE nuk mund të na thotë që kemi probleme me prokurimet publike sepse do ti sfidojmë dhe do të ndiheshin në turp. Qytetarët nuk kanë pse të rrinë në radhë dhe të humbasin kohë, energji, por edhe bakshish për të marrë një leje, apo edhe një dokument. Ndërkohë cdo gjë tani është në internet. Kemi ecur përpara në procesin e integrimit të BE dhe duam të bëhemi anëtarë brenda kësaj dekade. Kjo platformë është e aftë për t’i dhënë mundësinë këtyre njerëzve për përshtatjen e legjislacionit të BE-së me atë të Shqipërisë. Po punohet për mbivendosjen e ligjeve të BE-së me ato shqiptare. Edhe prokurimet ishim vendi i fundit në rajon, por tani sipas BE-së jemi edhe kryesues në rajon, me 80 pikë nga 100, kurse vendi i dytë ka 70 pikë. Por jemi është më shumë se kaq, po punojmë me Microsoft me prokurimin me inteligjencë artificiale 360 gradë, pa kontakt njerëzor si asnjë vend tjetër në botë. Modeli i parë në Europë pa kontakt njerëzor. Çdo gjë po shkon në drejtimin e duhur. Por ajo ç’ka po vjen këtu përmes kësaj dore të ngrohtë franceze është tejet e mirëpritur. Qëllimi është për t’u bërë kampionë në qeverisjen elektronike. Sa më pak mbretëror bëhemi, aq më njerëzor jemi, ka një prani humane dhe njerëzore nga Franca dhe është e nevojshme. Jemi të inkurajuar që të ecim dorë për dorë me Francën, do përpiqemi ta meritojmë mbështetjen tuaj, inkurajimin tuaj", u shpreh kreu i qeverisë në fund të fjalës së tij.
Të pranishëm ishin edhe ambasadorja franceze, Catherine Suard, ministri i Ekonomizë, Kulturës dhe Inovacionit, Blendi Gonxhja, përfaqësues të tjerë ndërkombëtarë, të projektit dhe të institucioneve shqiptare./ZËRI
