TIRANË- Shqipëria do të mirëpresë Ministerialin e radhës të Procesit të Bashkëpunimit në Europën Juglindore (SEECP). Pritja do të bëhet të hënën, më 16 qershor 2025. Lajmin e ka bërë me dije vetë kryeministri Edi Rama, në një postim në Facebook.
Sipas Ramës, ky aktivitet angazhimin e vendit për të çuar përpara bashkëpunimin rajonal dhe integrimin evropian të Ballkanit Perëndimor.
Procesi i Bashkëpunimit të Evropës Juglindore (SEECP) u iniciua në vitin 1996 në takimin e Ministrave të Punëve të Jashtme të SEECP-së të mbajtur në Sofje, dhe Samiti i parë i SEECP-së u mbajt në Kretë në vitin 1997.
Si i vetmi forum bashkëpunimi rajonal që përfshin 13 pjesëmarrës në Evropën Juglindore (të cilët janë gjithashtu pjesëmarrës në Këshillin e Bashkëpunimit Rajonal - Bordi i RÇ-së), të gjithë tashmë anëtarë ose me perspektivën e integrimit në strukturat evropiane dhe euroatlantike, SEECP mbetet formati më gjithëpërfshirës në rajon për forcimin e marrëdhënieve të fqinjësisë së mirë dhe promovimin e dialogut dhe bashkëpunimit politik, të sigurisë dhe ekonomik, veçanërisht në këto kohë sfiduese të luftës së agresionit rus kundër Ukrainës.
SEECP përbëhet nga 13 vende pjesëmarrëse, të cilat janë edhe anëtare të Bordit të Këshillit të Bashkëpunimit Rajonal (RÇ), si: Shqipëria, Bosnjë-Hercegovina, Bullgaria, Kroacia, Greqia, Maqedonia e Veriut, Moldavia, Mali i Zi, Rumania, Serbia, Sllovenia, Kosova dhe Turqia.
