TIRANË-Kreu i Partisë Demokratike, Sali Berisha ka ndarë detaje nga rutina e tij ditore dhe jo vetëm. Në një intervistë ndryshe në rrjetin social Tik Tok, Berisha ka treguar se ushqimi i tij i preferuar janë zarzavatet, ndërsa sa i përket orarit të gjumit, kryedemokrati shprehet se fle 6 orë në ditë. Sa i përket ngjyrës së preferuar Berisha veçoi blunë, për të cilën tha se i shfaqet në momentin që mbyll sytë. Një detaj tjetër ka qenë leximi, ku kreu i PD ka rrëfyer se lexon më shumë poezi dhe proza.
Pjesë nga dialogu në video:
-Përshëndetje doktor si jeni?
Sali Berisha: Mirë faleminderit, shumë mirë.
-Duam të ju bëjmë disa pyetje, a pranoni?
Sali Berisha: Me kënaqësi.
-Sa orë flini në ditë?
Sali Berisha: Gjashtë.
-Sa orë punoni në ditë?
Sali Berisha: Në tërësi punoj.
-Cili është ushqimi i preferuar këto kohë?
Sali Berisha: Në tërësi ushqimi dominohet nga zarzavatet.
-Cili është libri i preferuar?
Sali Berisha: Kam disa, lexoj poezi, prozë.
-Cila është ngjyra e preferuar?
Sali Berisha: Të mbyll sytë… bluja.
-Mendoni se do të fitojmë?
Sali Berisha: Unë mendoj siç mendojnë shumica dërrmuese e shqiptarëve, të sigurt në fitore.
