Gazment Bardhi
TIRANË- Edhe seanca e sotme në Kuvend u shoqërua me debate të forta, me socialistët që kaluan të gjitha ligjet që kishin parashikuar në rendin e ditës.
Seanca e sotme u drejtua nga Ermonela Felaj, ndërsa kreu i grupit parlamentar në PD, Gazment Bardhi hodhi akuza për paligjshmëri, pasi sipas tij në sallë konfirmuan prezencën e tyre vetëm 68 deputetë.
“Po falsifikon votimin! Ke 68 deputetë në sallë. Po kryen vepër penale. Po shkel Rregulloren, neni 55 pika 4. Po shkel Kushtetutën Nuk jua falim këtë”, u shpreh Bardhi.
Gjatë gjithë seancës që nuk zgjati më shumë se 30 minuta, deputetët e opozitës vijuan skenarin e zhurmuesve, duke pamundësuar punimet normale të Kuvendit.
/ZËRI
Poll
