Politikë

‘Mondi më duhet një dimër aty vëlla’, Bardhi nxjerr në Kuvend përgjimet e SKY: Si u emërua drejtori i Policisë së Shkodrës

Gjatë replikës, Bardhi publikoi një komunikim në SKY ECC, që sipas tij tregon se kush e ka zgjedhur kreun e Policisë së Shkodrës.

E.K
‘Mondi më duhet një dimër aty vëlla’, Bardhi
Gazment Bardhi dhe Edi rama ne kuvend

TIRANË- Është zhvilluar me tone të forta interpelanca e thirrur nga Gazment Bardhi, me kryeministrin Edi Rama, për çështjen e kontejnerëve me mbetje të rrezikshme që dyshohet se janë nisur nga Shqipëria drejt Kinës dhe Tajlandës. Gjatë debateve, Bardhi akuzoi Ramën për lidhje me krimin e organizuar, ndërkohë që lexoi një bisedë në SKY se si u bë zgjedhja e drejtorit të Policisë së Shkodrës, nga bandat kriminale.

“E dija që ishe ekspert i inceneratorë, por që të ishe ekspert i mbetjeve të rrezikshme këtë nuk na i kishte marrë mendja. E meqë fole që zotrote ja di mirë punëve të shtetit, Rai të akuzoi që je i lidhur me krimin e organizuar. Unë po të pyes; si ta quajnë drejtorin e policisë së Shkodrës, e di emrin? Ta them unë kush ta ka emëruar.

Kodi pin i Sky EÇ, DGLXJM: O vëlla ka llafe për atë mikun tënd ministër të Brendshëm. Di gjë ti?

Përgjigjet kodi sky 7142D9: Po por kam frikë se nuk e bën

Ndërhyn prapë kodi DGLXJM: Mua Mondi më duhet një dimër aty vëlla.

Në fakt Mondi është drejtori aktual i policisë Shkodër që u emërua një muaj pasi ky miku i ministrit të Brendshëm është përfaqësues i një prej bandave më të rrezikshme në vend u bë ministër i Brendshëm. Dhe vjen ti këtu dhe akuzon opozitën, se të thotë që je i lidhur me krimin e organizuar? Patjetër që do japësh llogari”, tha Bardhi.

Aktualisht në krye të drejtorisë së Policisë së Shkodrës, qëndron Edmond Sulaj, që sipas Bardhit i shërben grupit të Bajrave në Shkodër. Rama nuk preferoi që t’iu përgjigjej akuzave të Bardhit, duke u larguar më pas nga salla e Kuvendit, pasi sipas Spiropalit, do të priste kryeministrin e Izraelit. /ZËRI

Poll

MOS HUMB