TIRANË- Opozita në Shqipëri prej kohësh ndodhet në udhëkryq vendimmarrjesh, në njërën anë janë konfliktet e brendshme dhe na ana tjetër humbja e besueshmërisë në sytë e publikut. Dhe për të fituar këtë të fundit një pjesë e deputetëve të PD kanë propozuar edhe masa ekstreme siç është ajo e grevës së urisë, ngjashëm siç bëri Pjetër Arbnori në vitet ’90.
Ka qenë fillimisht Gazment Bardhi ai që ka kërkuar nga deputetët që të kenë aksione më të forta në Kuvend, dhe në anën tjetër ka qenë ish-kryeministri Sali Berisha i cili është pozicionuar qartë kundër opsionin të bojkotit. Por në mbledhje ka pasur edhe opsione të tjera, siç ishte ai i deputetit Bujar Leskaj, i cili ka deklaruar se demokratët duhet të shkojnë dejut një greve urie, si shenja më e fundit e reagimit të tyre.
“Duhet të thellojmë aksionin opozitar. Situata jonë është e vështirë. Kjo do te thotë se duhet te reagojmë saç duhet. Duhet te marrim hap pas hapi te gjitha mundësitë e reagimit, duke shkuar edhe deri ne ekstrem, ne greve urie, siç ka bere Pjeter Arbnori në vitin 1997”, mësohet të jetë shprehur Leskaj, mësohet të jetë shprehur Leskaj, ndërkohë që mendimi i tij është mbështetur dhe nga Helidon Bushati.
“Unë besoj doktor se ne nuk duhet ta përjashtojmë edhe bojkotin, jo një bojkot pafund, po një bojkot me një kohe te caktuar dhe që ka qëllime të qarta politike. Nuk duhet te kemi kompleks bojkotin”, është shprehur Helidon Bushati.
Berisha ka kundërshtuar sërish bojkotin, duke insistuar tek aksioni për t’i dërguar letra kancelarive të huaja, por Bushati ashtu si Leskja është treguar më i prerë: “Nëse ata nuk reflektojnë, jam patjetër, sikundër tha Leskaj, se me nxiti, jo me inspiroj, thjesht nxitje, mund të shkojmë edhe tek greva e urisë”.
Debati me dyer të mbyllura
Gazment Bardhi: Do të duhet të kemi një qëndrim. Mazhoranca po na bllokon çdo hapësirë institucionale. Kanë asgjësuar parlamentarzimin. Opozita nuk duhet të lejojë që të zhvillohet aktivitet normal parlamentar, përderisa mazhoranca do të vazhdoje te rrezoje kërkesat e opozitës për komisionet hetimore parlamentare, apo mospranimin e ndryshimit te anëtareve të komisionit te posaçëm te reformës zgjedhore. Kjo që po ndodh aktualisht s’ka ndodh kurrë me opozitën. Është asgjësuar çdo hapësirë. Praktikisht na kanë venë në kushtet kur ata vendosin gjithçka për ne. Do duhet te kemi një qëndrim të prerë. Unë pres nga ju propozime dhe duhet të dalim me një vendim se çfarë duhet të bëjmë.
Sali Berisha: Mendoj se ne duhet të bëjmë një letër, edhe publike, dhe tua shpërndajmë kancelarive, ndërkombëtare dhe t’i vëmë në dijeni se çfarë po ndodh në parlamentin shqiptar, së çfarë po ndodh me opozitën. Më pas duhet te mbledhim partitë aleate, ku mund te diskutojmë për situatën në fjalë dhe hapi i fundit është përplasja, në mënyrë që të mos lejojmë zhvillimin normal të seancave parlamentare, por t’i bllokojmë ato.
Bujar Leskaj: Duhet të thellojmë aksionin opozitar. Situata jonë është e vështirë. Kjo do te thotë se duhet te reagojmë saç duhet. Duhet te marrim hap pas hapi te gjitha mundësitë e reagimit, duke shkuar edhe deri ne ekstrem, ne greve urie, siç ka bere Pjeter Arbnori në vitin 1997.
Sali Berisha: Mendoj që bojkoti nuk është opsion si mekanizëm për t’u përdorur nga ana jonë, pra bojkoti i parlamentit. Nuk do të përdorim ato praktika që janë përdorur më parë, (I referohet djegies së mandateve, braktisja e zgjedhjeve) por do të përdorim çdo mjet demokratik që askush të mos marrë neper këmbë opozitën, siç ndodhi ne seancën e fundit parlamentare.
Helidon Bushati: Mendoj se duhet te bëhemi interesant politikisht, se ka humbur interesin i medias dhe publikut, ka humbur pak interesi tek aksionet tona politike. Unë besoj doktor se ne nuk duhet ta përjashtojmë edhe bojkotin, jo një bojkot pafund, po një bojkot me një kohe te caktuar dhe që ka qëllime të qarta politike.
Nuk duhet te kemi kompleks bojkotin. Nuk duhet te jete instrumenti i pare, por pasi të ezaurojmë instrumentet e tjerë, pse jo edhe bojkot. Mund te jetë 1 javë, 2 javë, e përcaktojmë, por do te jetë bojkot që qytetaret shqiptare ta kuptojnë kush është opozita e vërtetë. Dhe po dolëm ne nga parlament aty do të mbesin disa deputete…
Sali Berisha: Jam duke te ndjekur me vëmendje Bushat.
Helidon Bushati: Duhet ta nisim me shkalle, aksionin tonë. Nuk duhet te shkojmë direkt në veprime ekstreme. Duhet ta nisim me këtë që kemi nisur neper komisione, të kundërshtojmë dhe reagojmë. Pra duhet te shkojmë në ngritje. Nëse ata nuk reflektojnë, jam patjetër, sikundër tha Leskaj, se me nxiti, jo me inspiroj, thjesht nxitje, mund të shkojmë edhe tek greva e urisë. Pra nuk bie dakord me doktorin, që thotë që jam absolutisht kundër bojkotit. Pra ne të mos e kemi qellim në vetvete bojkotin, të mos e kemi të gjatë, por si akt mund ta bëjmë. Pra ky akt tregon se kush është edhe opozita e vërtetë.
