TIRANË- Komisioni i Ankesave dhe Sanksioneve vendosi sot hapjen e kutisë së votimit në një qendër votimi në Qarkun e Vlorës. Vendimi u mor pas një ankimimi të bërë nga koalicioni “Nisma Shqipëria Bëhet”, e drejtuar nga Adriatik Lapaj. Pas kërkesës së bëri në rrjetet sociale, koalicioni dorëzoi dokumentin zyrtar, të cilën KAS e mori në konsideratë. Kjo sepse sipas ankimimit, fletët e votimit nuk kishin vula.
Hapja e kutisë do të bëhet të hënën më 2 qershor, në orën 15:00. Me hapjen e kutisë do të verifikohet nëse fletët e votimit janë të vlefshme apo jo, ashtu siç pretendon koalicioni "Nisma Shqipëria Bashkë".
"Sot, KAS nisi shqyrtimin e kërkesave ankimore nr. 38, kërkesës ankimore nr. 38, nr. 39 dhe nr. 40. Shqyrtimi i kërkesave ankimore do të vijojë si më poshtë: Kërkesa ankimore nr. 38 (Qarku Berat) do të shqyrtohet ditën e Martë, datë 03.06.2025 në orën 14:00. Kërkesa ankimore nr. 39 (Qarku Vlorë) do të shqyrtohet ditën e Hënë, datë 02.06.2025 në orë 15:00. (Do hapet Kutia nr. 4494/00, KZAZ 85 Vlorë) pas bashkimit me kërkesën ankimore 43, depozituar nga Shqipëria Bëhet). Kërkesa ankimore nr. 40 (Qarku Gjirokastër) do të shqyrtohet ditën e Martë, datë 03.06.2025 në orën 12:00,"-thuhet në njoftim.
Pak ditë më parë, kreu i koalicionit "Nisma Shqipëria Bëhet", Adriatik Lapaj kërkoi rinumërimin e votave në dy qarqe, në Vlorë dhe në Fier./ZËRI
Ku do t'i kaloni pushimet për këtë verë?
-
Në Shqipëri
-
Do udhëtoj jashtë vendit
-
Jam i/e pavendosur
-
Nuk do të bëj fare pushime
